Здравствените службеници во кантонот Граубунден, кои го проучуваа неодамнешното жариште на коронавирус кај персоналот во еден хотел, откриле загрижувачка работа – сите оние кои биле заразени носеле пластични визири за лице, додека оние што ја избегнале инфекцијата носеле маски за лице.
Рудолф Лојтхолд, шеф на одделот за здравство во Граубунден, рече дека токму тие, заштитните визири, биле работата која била заедничка за сите заразени лица. „Меѓу вработените немаше ниту еден регистриран случај на инфекција кај лица што носеле маски. Се покажа дека заразени лица се оние кои носеле само визири“, изјави тој за швајцарски „The Local“.
Швајцарската влада предупредува
Поради ситуацијата, здравствените власти во Граубунден се изјаснија против пластичните визири.
Д-р Марина Јамнички изјави дека визирите не се поефикасни од маските за лице и можат да пружат лажно чувство на сигурност кај оние што ги носат. „Визирите треба да се носат заедно со маска за лице“, рече таа.
Федералната канцеларија за јавно здравје се согласи со неа, посочувајќи на зголемените инфекции кај оние кои ги носеле споменатите визири.
