Вакцина против рак направена од самите тумори на пациентите даде „навистина надежни“ резултати во едно испитување.
Ниту еден од осумте заболени од рак на главата и вратот, кои имаа големи шанси за рецидив, не забележаа враќање на туморите четири месеци по добивањето на вакцината. За споредба, кај двајца пациенти од контролната група на кои не им била дадена вакцина било забележано дека ракот им се вратил.
Вакцината, која користи слична технологија на вакцината против Ковид-19 на Астра Зенека, користи ДНК земена од туморот на секој пациент.
Вакцината им се дава на пациентите по операција за отстранување на тумори. Очекувањата се дека вакцината ќе ги фати клетките на ракот пред тие дури да бидат пронајдени на скенирање
Генетскиот фрагмент потоа се вметнува во ослабениот вирус кој се користи за да се испорача вакцината внатре во телото, тренирајќи го имунолошкиот систем да го препознае и да се бори против ракот доколку се врати.
Се дава како неделна вакцина во период од шест недели, по што на пациентите им се дава бустер доза на секои три недели во текот на една година.
Новите бројки се премногу мали за да се извлечат дефинитивни заклучоци, но истражувачите велат дека „сите податоци укажуваат во вистинската насока“.
Технологијата што се користи за изработка на вакцините против Ковид-19 на Фајзер и Модерна исто така се тестира на пациенти со рак во САД и во Европа.
Ракот на главата и вратот се новодијагностицирани кај повеќе од 12.000 луѓе во Велика Британија и 65.000 во САД. Тие убиваат нешто повеќе од 4.000 Британци годишно и 14.000 Американци.
Постојат повеќе од 30 области во главата и вратот каде што може да се развие рак, вклучувајќи ги устата и грлото.
Новата вакцина – со кодно име TG4050 – е развиена од француската компанија „Transgene“.
Таа е позната како „вирусна векторска вакцина“, која користи генетски модифициран вирус на вакцинија, истото семејство кое предизвикува сипаници.
Новите бројки се премногу мали за да се извлечат дефинитивни заклучоци, но истражувачите велат дека „сите податоци укажуваат во вистинската насока“. Новата вакцина – со кодно име TG4050 – е развиена од француската компанија „Transgene“
Патогенот е ослабен до тој степен што не може да предизвика болест и се користи во програмите за вакцинација со децении. Парче од туморската ДНК се вметнува во вирусот, така што кога ќе се инјектира во телото, може да го обучи имунолошкиот систем да внимава на овие канцерогени клетки. Научниците се надеваат дека телото ќе може да ги препознае и уништи пред да почнат да се размножуваат и да формираат тумори.
Лекарите се оптимисти во врска со вакцината бидејќи е за ракот на секоја личност посебнo, иако тоа ќе ја направи поскапа во иднина.
Главниот медицински директор на „Transgene“, д-р Мод Брендели, рече дека вакцината им дава на пациентите „нова надеж“ во трката за излекување на ракот.
Мутациите на ракот може да варираат помеѓу пациентите, но со правење на вакцина за секој пациент поединецно, би требало да биде подобро таргетирањето на мутантните клетки.
Вакцината им се дава на пациентите по операција за отстранување на тумори. Очекувањата се дека вакцината ќе ги фати клетките на ракот пред тие дури да бидат пронајдени на скенирање.
На Брајан Рајт неодамна му била дадена 10-та доза на вакцина во Клатербриџ и има уште 10 дози до јануари. Пред една година, г-дин Рајт имал 16-часовна операција за да се ослободи од туморот во устата и да ја замени долната вилица со коската од ногата, по што следеле неколку недели радиотерапија.
Тој изјави за „Скај њуз“: „Ако сте имале рак во грлото, а тие велат дека ќе ви го инјектираат тој рак, едноставно звучи… „о, не, нема да го направите тоа“.
„Но, потоа објаснија дека нема да ви го вратат ракот, туку ќе го направат вашето тело имуно на тој рак“.
„Transgene“ планира да третира вкупно 30 пациенти во испитувањето за рак на главата и вратот. На половина ќе им се даде вакцина штом ќе им заврши нормалното лекување, а на другата половина ќе им се даде кога ќе им се врати ракот.
Консултантот онколог и директор на клиничките истражувања во центарот Клатербриџ, професорот Кристијан Отенсмајер, изјави за „Скај њуз“ дека е „внимателен оптимист“.
„Навистина се надевам, да“, рече тој. „Многу сум возбуден поради тоа. Сите податоци укажуваат во вистинската насока“.
„Имунолошкиот систем може да види работи што ние не можеме да ги видиме на скенирањата“, вели професорот Отенсмајер, „тој е многу попаметен од човечките суштества“.
„Ако можеме да го истренираме имунолошкиот систем да ги избере оние клетки кои инаку би довеле до рецидив во време кога ние не можеме ни да ги видиме, тогаш шансите за долгорочно преживување за нашите пациенти се многу поголеми“.
Друго клиничко испитување на вакцина за пациенти со рак на јајниците во Франција и САД, исто така, покажува ветувачки резултати. (Дејли мејл)
