Агенцијата за храна и лекови на САД (ФДА) го ревидираше своето овластување за итна употреба на COVID-19 конвалесцентна плазма, ограничувајќи ја употребата на конвалесцентна плазма со високи нивоа на антитела, и кај хоспитализирани пациенти кои се на почетокот на нивниот тек на болеста.
Конвалесцентната плазма се користи за лекување на COVID-19, а се добива со употреба на крв на луѓе кои се опоравиле од инфекции со коронавирус. Првпат беше одобрена за итна употреба во минатиот август.
-
Според ревидираната авторизација, третманот исто така може да се користи и за лица со нарушен имунитет кои не можат самите да создадат соодветен одговор на антитела
Конвалесцентната плазма која не е богата со антитела се покажа дека не е корисна во лекувањето на COVID-19 и повеќе не е овластена за итна употреба, соопшти ФДА.
„COVID-19 конвалесцентната плазма што се користи според ревидираната авторизација може да биде ефикасна, и нејзините познати и потенцијални придобивки ги надминуваат нејзините познати и потенцијални ризици“, рече во изјавата д-р Питер Маркс, директор на Центарот за биолошки евалуации и истражувања на ФДА, пренесува „Си-Ен-Ен“.
