Генерации деца израснале играјќи на трамбулини во дворовите. Со популарноста на парковите со трамбулини, уште повеќе деца се вклучуваат во играта.
Но дали ова е безбеден начин за децата да се забавуваат? Постојат многу фактори што треба да се разгледаат пред да дозволите вашето дете да излезе и да скока со децата од соседството или да присуствува на роденденска забава во парк со трамбулини.
Зошто педијатрите се загрижени за трамбулините?
Повеќе од 800.000 деца се повредиле на трамбулини помеѓу 2009 и 2018 година, покажуваат истражувањата. И додека ударите и модринките се најчести повреди од трамбулини, често се случува деца да имаат скршени коски или исчашени зглобови како резултат на падови на подлогата во или надвор од трамбулините.
Потресите на мозокот се уште една честа повреда од судири на трамболини. Ова се повреди на мозокот што може да предизвикаат децата да страдаат од главоболки, вртоглавица, гадење и други симптоми. Потресот на мозокот исто така може да влијае на нивниот сон, размислување и училишни перформанси
Лесно е да се претпостави дека овие повреди не се голем проблем. На крајот на краиштата, повеќето исчашени зглобови или скршени коски заздравуваат, нели? Но, трамбулините носат неверојатно високи ризици за сериозни повреди. Примерите вклучуваат скршеници на коските или повреди на лигаментите кои бараат операција, парализа, па дури и повреди кои се животозагрозувачки. А дури и скршените коски можат да остават трајни последици, вклучувајќи можност за оштетувања на нервите.
Како децата се повредуваат на трамбулини?
Многу деца кои се повредиле на трамбулини имаат само мали расекотини, модринки или гребаници. Но, од околу 110.000 посети на одделенија за итна помош поврзани со несреќи на трамбулини во САД секоја година, илјадници вклучуваат сериозни повреди на раце, нозе, клучната коска, грбот или вратот на детето.
Потресите на мозокот се уште една честа повреда од судири на трамболини. Ова се повреди на мозокот што може да предизвикаат децата да страдаат од главоболки, вртоглавица, гадење и други симптоми. Потресот на мозокот исто така може да влијае на нивниот сон, размислување и училишни перформанси.
Децата обично се повредуваат на трамбулини кога:
- Детето е најмало на подлогата за скокање;
- Се судираат со други или се судираат еден со друг додека скокаат истовремено;
- Неправилно слетуваат на подлогата на трамбулината;
- Ненамерно паѓаат од подлогата на земја;
- Влегуваат во „двојно скокнување“, каде едниот скокач слетува и го испраќа другиот во воздух;
- Се обидуваат да прават ризични потези како што се превртувања и салта;
- Пад на пружините, куките или рамката.
Многу деца кои се повредиле на трамбулини имаат само мали расекотини, модринки или гребаници. Но, од околу 110.000 посети на одделенија за итна помош поврзани со несреќи на трамбулини во САД секоја година, илјадници вклучуваат сериозни повреди на раце, нозе, клучната коска, грбот или вратот на детето
Што можам да направам за да го заштитам моето дете?
Прво, важно е да го разберете ризикот поврзан со играњето на трамбулина. Бидејќи малите и децата од предучилишна возраст се соочуваат со најголем ризик од повреди на трамбулина, децата под 6 години НИКОГАШ не треба да скокаат. Американската академија за педијатрија препорачува децата од сите возрасти да ги избегнуваат трамбулините – но ако решите да им дозволите на постарите деца да скокаат, уверете се дека ги следат овие правила на здрав разум:
• Само едно дете да скока во исто време.
• Секогаш да има возрасна личност што ги набљудува.
• Нема превртувања или правење салта, бидејќи овие предизвикуваат најсериозни повреди на вратот, главата и грбот.
• Не скокајте од покриви или други високи места директно на трамбулина.
• Безбедносната мрежа околу подлогата за скокање секогаш треба да биде затворена додека тие скокаат.
• Настојувајте да ги тргнете скаличките кога никој не скока, така што малите деца не можат сами да се искачат.
Проф. д-р Сузана М. Брискин, член на Советот на ААП за спортска медицина и фитнес и секција за ортопедија, професор по педијатрија во Одделот за педијатриска спортска медицина во „Rainbow Babies and Children’s Hospital“ во Кливленд, Охајо
Извор: Американска академија за педијатрија
