Домашните обврски не се само начин да се одржи домот уреден, туку и одлична можност за децата да развијат клучни вештини кои ќе им помогнат понатаму да постигнат успех. Вклучувањето на децата во извршување задачи дома од најрана возраст ги учи на одговорност, решавање проблеми и работни навики. Истражувањата покажуваат дека редовната рутина на домашни обврски може да биде еден од најдобрите показатели за успех во возрасниот период, помагајќи им на децата да разберат како секој член на семејството придонесува за заедничкото добро.
Според психолозите Кејтлин Славенс и Челси Боди, најдобриот показател за успех во возрасниот период е редовното извршување домашни обврски.
„Домашните обврски ги учат децата на одговорност, решавање проблеми и работни навики. Децата учат дека сите учествуваат во меѓусебна помош“, објаснија психолозите во неодамнешна објава на Инстаграм.
Тие исто така објаснуваат кои домашни обврски се соодветни за која возраст.
Обврски за деца од две до четири години:
- Раскревање на играчките;
- Бришење прашина на масичката за кафе, на нозете од столовите итн.;
- Полевање на растенијата;
- Ставање валкана облека во корпата;
- Поставување на масата (салфетки, прибор и други предмети што не се кршливи).
Домашните обврски ги учат децата на одговорност, решавање проблеми и работни навики
Обврски за деца од пет до седум години:
- Местење на креветот;
- Хранење на домашните миленичиња;
- Редење на намирниците;
- Раскревање на масата по јадење;
- Рециклирање.
Обврски за деца од седум до девет години:
- Изнесување ѓубре;
- Диплење и редење облека во плакар;
- Едноставна подготовка на оброци (припрема на потребните намирници и сл.);
- Раскревање на масата по јадење.
Воведувањето редовни домашни обврски во рутината на децата не само што помага во секојдневните задачи, туку и поставува темели за одговорна и успешна иднина.
