По краткиот одмор што следи по враќање од училиште, децата би требало да се занимаваат со активности кои им го изоструваат мозокот, а кои исто така можат да бидат и многу забавни. Овие активности ја вклучуваат нивната снаодливост, креативност и поттикнуваат размислување, а децата во исто време ем учат, ем добро се забавуваат.
Родителите можат да ја стимулираат работата на мозокот кај децата со различни квизови. Направете листа од 20 прашања на различни теми и видете на колку можат точно да одговорат. Погрижете се овие прашања да бидат разновидни и поврзани со материјалот што го учеле во училиште. Ако децата постигнат одличен резултат, можете да ги наградите
Загатки
Забавна опција која родителите можат да ја изберат се загатките кои ќе ја предизвикаат способноста на децата да решаваат различни проблеми. Родителите можат да им дадат на своите деца загатки и слични опции кои претставуваат забавен начин за вежбање и за изострување на нивниот мозок.
Читање
Секогаш кога е можно, родителите треба да ги охрабруваат своите деца да читаат или ако нивните деца сакаат да читаат, да им дадат поддршка и да им купат нови книги или да ги позајмат од библиотеката. Читањето не само што го подобрува вокабуларот и разбирањето, туку влијае и на имагинацијата и развивањето на вештини за критичко размислување.
Сложувалки
Составувањето сложувалки е забавен и одличен начин да се привлече вниманието на детето и да се стимулира работата на мозокот, пишува „Тајмс оф Индија“. Сложувалките помагаат да се подобрат концентрацијата, меморијата и когнитивните вештини, додека децата истовремено се забавуваат со составување и наоѓање на потребните делови од сложувалката.
Креативни активности
Еден од најдобрите начини децата да ја покажат својата креативност е со сликање или цртање. Без разлика дали изработуваат ремек-дело со сликање или создаваат нешто уникатно со помош на пластелин или глина, овие активности помагаат да се развијат моторните вештини, креативноста и вештините за решавање проблеми.
Еден од најдобрите начини децата да ја покажат својата креативност е со сликање или цртање
Друштвени игри
Друштвените игри не се само забавни, туку и одлични за работа и развој на мозокот. Повеќето друштвени игри бараат играчите да имаат стратешки вештини, критичко размислување и донесување одлуки, помагајќи им на децата да развијат важни когнитивни вештини додека си играат.
Квизови
Родителите можат да ја стимулираат работата на мозокот кај децата со различни квизови. Направете листа од 20 прашања на различни теми, како наука, историја и географија, и видете на колку можат точно да одговорат. Погрижете се овие прашања да бидат разновидни и поврзани со материјалот што го учеле во училиште. Ако децата постигнат одличен резултат, можете да ги наградите.
