Се чини дека поленската треска (алергиски ринитис) може да предизвика алергиска реакција на храна како овошје, зеленчук, јаткасти плодови и мешунки. Имено, се смета дека алергиска реакција предизвикана од поленска треска, која често резултира со иритација и воспаление, главно во носот и очите, може да предизвика појава на орален алергиски синдром (ОАС).
Оралниот алергиски синдром е вкрстена алергија која може да се појави кога телото покажува алергиска реакција на други супстанции кои се слични на изворниот алерген. Тоа е затоа што различни супстанции содржат слични алергени, а телото развива преосетливост на нив.
Инаку, се проценува дека околу 90% од луѓето со алергија на полен од бреза имаат и орален алергиски синдром.
Треба да се спомене дека во ретки случаи оралниот алергиски синдром може да доведе до анафилакса, што е тешка и потенцијално опасна по живот алергиска реакција. Симптомите на анафилакса вклучуваат отежнато дишење, низок крвен притисок и губење на свеста.
Извор: News Medical
