На луѓето им се случува да заборават деца и домашни миленици во своите автомобили, а последиците можат да бидат фатални, особено ако надвор е пеколно топло. Пред само две недели во Словенија на тој начин настрада дете во автомобил. Истото се случи и на почетокот на минатиот месец во Италија.
Високата надворешна температура за многу кратко време може да доведе до зголемување на телесната температура и топлотен удар кај децата. Само 15 минути престој во прегреан автомобил може да предизвика оштетување на мозокот и бубрезите
Зголемување на температурата во автомобилот
Никогаш не е излишно да се повтори – ако автомобилот е паркиран на сонце со надворешна температура од само 24 Целзиусови степени, температурата во возилото (со затворени прозорци) може да достигне 38 степени за само 10 минути. Ако автомобилот стои на сонце 30 минути, температурата ќе се искачи на 50 степени.
На деловите од внатрешноста на возилото, кои се директно на сонце, по некое време температурата може да достигне неверојатни 80 степени. Значи, јасно е дека автомобилот на сонце не е место за оставање деца или животни, дури и ако мислите да го направите тоа само на кратко.
Опасност по животот
Поради послабата можност за терморегулација на детското тело, телото на детето се загрева три до пет пати побрзо од телото на возрасен.
Високата надворешна температура за многу кратко време може да доведе до зголемување на телесната температура и топлотен удар кај децата. Само 15 минути престој во прегреан автомобил може да предизвика оштетување на мозокот и бубрезите.
