НЕВАКЦИНИРАНИТЕ ЛУЃЕ не само што го ризикуваат сопственото здравје, туку се и ризик за сите околу нив доколку се заразат со коронавирусот, велат експертите за заразни болести. Ова е затоа што единствениот извор на нови варијанти на коронавирусот е телото на заразено лице, пишува Си-Ен-Ен.
Сите вируси мутираат и иако коронавирусот не е особено склон кон мутации, тој се менува и еволуира. Повеќето промени во вирусот не значат ништо, а некои можат и да го ослабнат. Но, понекогаш, вирусот развива случајна мутација која му дава предност, на пример, како што е подобра преносливост или поефикасна репликација или можност да зарази различни домаќини
„Невакцинираните лица се потенцијални фабрики за варијанти. Колку повеќе има невакцинирани луѓе, толку е поголема веројатноста за размножување на вирусот. Кога тоа ќе се случи, тој мутира и може да исфрли мутирана варијанта која е уште посериозна“, изјави за Си-Ен-Ен д-р Вилијам Шафнер, професор на Одделот за инфективни болести на Универзитетскиот медицински центар Вандербилт.
Сите вируси мутираат и иако коронавирусот не е особено склон кон мутации, тој се менува и еволуира. Повеќето промени во вирусот не значат ништо, а некои можат и да го ослабнат.
Но, понекогаш, вирусот развива случајна мутација која му дава предност, на пример, како што е подобра преносливост или поефикасна репликација или можност да зарази различни домаќини.
Вируси кои се шират поефикасно
Ако мутантот е доволно успешен, станува варијанта, но мора да се реплицира за да биде тоа. Невакцинираните лица даваат можност вирусот да се реплицира и мутира.
Ако мутантот е доволно успешен, станува варијанта, но мора да се реплицира за да биде тоа. Невакцинираните лица му даваат можност на вирусот да се реплицира и мутира
„Бидејќи се појавуваат мутации кај вирусите, оние кои перзистираат го олеснуваат ширењето на вирусот кај популацијата“, изјави за Си-ен-ен Ендру Пекош, микробиолог и имунолог од школата за јавно здравје на Џонс Хопкинс Блумберг. „Секој пат кога вирусите се менуваат, тоа му дава на вирусот поинаква платформа за да додаде повеќе мутации. Сега имаме вируси кои се шират поефикасно“.
Вирусите кои не се шират не можат да мутираат. Варијанти се појавија низ целиот свет, варијантата B.1.1.7 или алфа за прв пат беше откриена во Англија. Варијантата B.1.351 или бета за прв пат е забележана во Јужна Африка. Делта варијантата, исто така наречена B.1.617.2, за прв пат е откриена во Индија. САД претстави неколку свои варијанти, вклучително и B.1.427, која за прв пат е видена во Калифорнија и варијантата B.1.526 или ета, за прв пат видена во Њујорк.
