Кај здравите жени и мажи, најголемиот број зачнувања се случуваат во првите шест месеци од редовните сексуални односи. Во првиот месец, 30% од паровите ќе направат бебе. Околу 85% од жените кои редовно имаат односи, ќе забременат во период од една година. Оние парови кои по една година редовни сексуални односи, не зачнат, треба да направат испитувања, за да се утврди дали некој од нив двајца има проблем со плодноста. Кај некои парови ќе се покаже дека се е во ред и дека само треба да бидат упорни. Во други случаи, единствено решение е вештачко оплодување. Но, постојат парови кај кои може да помогне и само менувањето на (нездравите) животни навики.
Можноста за зачнување повеќе зависи од тоа колку жената има години, а годините на мажот речиси и да не се важни.
Жените најлесно може да забременат до 26 години, а веќе од 27 години таа способност благо опаѓа, и значајно се намалува по 35. година. По 40. година способноста жената да остане бремена е многу помала, а со годините само опаѓа, така што спонтана бременост над 45 години е ретка појава.
Исто така, можноста жената да забремени зависи од нејзината овулација и квалитетот на сперматозоиди на мажот. Жената може да остане бремена пет дена по овулацијата, најчесто еден-два дена пред овулација, додека по овулацијата повеќе не постои таа можност
На тоа дали ќе дојде до зачнување, големо влијание има и квалитетот на сперматозоидите. Нивниот квалитет се менува со должината на апстиненцијата. Подвижноста, морфологијата и бројот на сперматозоиди е најголема по апстиненција која трае два-три дена. Подолгата апстиненција ја намалува способноста за оплодување. Поради тоа, најголеми шанси за забременување имаат здрави парови кои неколку дена пред овулацијата на жената имаа односи секој или секој втор ден.
