- Зошто доаѓа до појава на водена кила кај децата? Која е причината?
Водената кила или хидроцелата претставува насобирање течности кои од стомашната шуплина се спушаат преку продолжетокот на стомачната марамица во обвивката на тестисите. Представува вроден недостаток, односно последица на незатворање на каналот, односно продолжетокот на абдоминалната марамица, низ која течноста циркулира од стомакот кон тестисите и обратно. Овој канал се затвора спонтано во нормални услови на бременоста.
- Дали е точно дека оваа состојба почесто ги зафаќа момчињата.
Тое е болест на машките деца. Постои слична состојба кај девојчињата, која се нарејува Нукова циста, но е доста ретко.
- Зошто операцијата се прави што подоцна? Што се чека?
Лекувањето не е итно и обично се чека првите три години од животот, оти во тој период можно е спонтано затворање на каналот. Ако тоа не се случи, преостанува хируршко лекување. Во ретки случаеви, лекувањето може да се превземе и во поран период, ако количината на течности е толку голема да се деформираат скроталните ќеси ( во кои се тестисите).
- Дали може нешто да се искомплицира ако ништо не се превземе?
Потребно е адекватно да се утврди дијагнозата и детето да се следи секои шест месеци, како би се исклучиле некои други промени во ингвиналниот канал, кои може да бидат здружени со водената кила. Секогаш треба да се утврди положбата на тестисите, а ако тое е оневозможено, потребно е детето да се упати на ехосонографски преглед.
- Дали водената кила може да се врати?
Понекогаш може да се случи да, по операцијата, заостане одредена количина течности помеѓу обвивките на тестисите, па ако не дојде до спонатана ресорпција, таа состојба се поистоветува со водена кила кај возрасни.
