Иако е вообичаена, мигрената често е сè уште погрешно разбрана, особено кога станува збор за децата. „Децата можат да имаат мигрена. Најмалото дете кај кое ја дијагностицирав беше на 18 месеци, но вообичаениот опсег на години е меѓу 6 и 15 години“, вели д-р Ариф Кан, педијатар-невролог.
„Свесноста за мигрената стана толку изразена кај возрасните што понекогаш и забораваме на децата. Но, често останува недијагностицирана.“
Мигрената е невролошка болест за која веруваме дека има генетска основа, а нејзината манифестација зависи од факторите од околината, вели д-р Вандер Плуим, вонреден професор по неврологија, дел од тимот на клиниката Мајо
Дали децата имаат исти симптоми на мигрена како возрасните?
Препознавањето на мигрената кај децата може да биде потешко отколку кај возрасните. „Ако прашате возрасна личност како се чувствува кога има мигрена, ќе каже дека чувствува пулсирање на едната страна од главата, а може да биде поврзано и со повраќање или мачнина, екстремна чувствителност на силна светлина или гласни звуци“, вели Кан. „Детето можеби нема да ја опише мигрената според карактеристиките наведени во учебниците. Можеби само ќе каже дека е многу уморно, дека го боли главата, а често не може да вербализира што се случува.“
Д-р Јулијана Вандер Плуим, вонреден професор по неврологија, дел од тимот на клиниката Мајо, која обемно ги истражувала мигрените во детството, вели дека постојат разлики и сличности, но дури и кај децата може да постојат некои очигледни знаци дека не станува збор за обична главоболка.
„Како и кај возрасните, мигрената кај децата и адолесцентите често е од умерен до силен интензитет, има пулсирачки карактер и може да се влоши со физичка активност“, вели таа. „Децата може да имаат поголема веројатност да имаат главоболка од двете страни на главата во споредба со возрасните, кај кои мигрените често се еднострани. Децата и адолесцентите исто така можат да имаат пократки напади на мигрена кои траат само неколку часа, додека кај возрасните нападите обично траат повеќе од четири часа.“
Како се дијагностицира мигрената кај децата?
„За да им се дијагностицира мигрена на возрасните, мора да пријават чувствителност на светлина и звук и/или мачнина или повраќање. Но кај децата, со оглед на тоа што можеби не можат да ја опишат чувствителноста на светлина и звук, може да се препознае врз основа на нивното однесување“, вели д-р Вандер Плуим. На пример, избегнуваат ли простори и активности со силно светло и звуци? Одат ли повеќе да се одмораат?
Иако мигрената не е секогаш тешка, може да биде исто толку исцрпувачка за децата како и за возрасните. Како што вели д-р Вандер Плуим: „Мигрената може да предизвика значителен инвалидитет кај деца и адолесценти. Може да влијае на социјалните и семејните односи и да доведе до изостаноци од настава или други активности.“
Не постои еднозначен одговор на прашањето зошто некои деца добиваат мигрена. Но, д-р Вандер Плуим вели: „Мигрената е невролошка болест за која веруваме дека има генетска основа, а нејзината манифестација зависи од факторите од околината.“
