Сигурно сте забележале дека некои деца се раѓаат ќелави, а некои имаат полна глава со коса. И сигурно се прашувате – зошто е тоа така? Иако многумина тврдат дека не постојат научно докажани причини кои можат да му обезбедат на вашето бебе бујна грива при раѓањето, се претпоставува дека тоа има врска со хромозомите и генетиката.
Според статистичките податоци, новороденчињата со потемен тен обично имаат повеќе коса од децата со светол тен
Се чини дека генетиката е најубедливото објаснување за мистеријата – колкава коса ќе има вашето дете при раѓање. Повеќето особини што ги наследува вашето малечко се резултат на комбинирањето на неколку гени кои го формираат неговиот изглед. Кога гените ќе се спојат, некои особини, како што се бојата и густината на косата, се појачуваат, додека други се намалуваат. Ако вашето бебе наследи комбинација на гени кои го фаворизираат растот на косата, има поголеми шанси да се роди бушаво. Според статистичките податоци, новороденчињата со потемен тен обично имаат повеќе коса од децата со светол тен.
Во текот на 14-та и 15-та недела од бременоста, на детето почнуваат да му растат влакна, а тоа се случува во два циклуса. Еден од факторите што може да одреди дали детето ќе се роди со коса е и видот на храната што ја внесувате за време на бременоста. Рибата е богата со омега-3 и омега-6 масни киселини, за кои е познато дека го поттикнуваат растот на косата.
Примарниот фактор зад бујната коса или бебешката ќелавост се крие во комбинацијата на гени, кои можат да бидат разновидни и да го одредат типот и бојата на косата
Јајцата влегуваат во редот на намирници, кои го стимулираат растот на косата бидејќи се богати со протеини. Има и други намирници, како што се овошјето богато со витамин А, кои го стимулираат растот на косата. Освен тоа, сувото овошје и јаткастите плодови се богати со минерали, протеини и влакна, а исто така го поттикнуваат и целокупниот развој на фетусот.
Затоа, не постои сигурен начин да знаете дали вашето бебе ќе има бујна коса или ќе биде ќелаво се до моментот кога ќе го видите. Тешко е дури и да се предвиди дали вашето дете ќе биде ниско или високо. Примарниот фактор зад бујната коса или бебешката ќелавост се крие во комбинацијата на гени, кои можат да бидат разновидни и да го одредат типот и бојата на косата. Но, дури и ако бебето се роди со многу коса, нема гаранција дека таа коса и ќе остане. Има деца кои се раѓаат ќелави, а во текот на првата година од животот им расте густа коса, додека деца кои се родени со густа коса, ја губат, па им расте тенка и понежна косичка.
