ПИШУВА: Проф. д-р Јовица Угриновски
специјалист по неврохирургија
Спиналните малформации, оние на пршлените и ‘рбетниот мозок, честопати знаат да бидат придружени и со други аномалии. Детето за коешто говоревме во *претходниот текст има септум дефект, тоа значи дека има несраснат септум на срцето, помеѓу преткоморите. И тоа е вродена аномалија што во првите денови на животот не мора да значи ништо бидејќи во ембрионалниот развој нормално постои таа комуникација помеѓу преткоморите и којашто обично пред раѓањето се затвора или непосредно после раѓањето, во првите месеци после раѓањето тој отвор се затвора.
Доколку не се затвори постои хируршки начин да се интервенира и да се затвори, иако огромен број на пациенти со таков отвор живеат нормален живот иако отворот постои, но само ако нема шантирање на крвта, од левото да оди во десното срце. Ако нема шантирање нема индикација за операција. Ако постои шантирање, мешање на крвта, се прави кардиохирушка интервенција доколку пројави клиничка манифестација.
* Скриена спина бифида, од клинички аспект, не значи ништо (1)
Друга комбинација на спиналните аномалии, значи аномалиите на ‘рбетниот мозок, е да бидат придружени и со аномалии на големиот мозок како што е хидроцефалус.
Истото ова што го кажувам е напишано и на гугл и ако јас сега како лаик седнам и отворам спина бифида, полека гугл ќе ме донесе на хидроцефалус, на срцеви аномалии, липом… Ќе ме однесе во води коишто не ги разбирам, и тоа како ќе ме извади од памет. Значи, ме внесува во нешто во коешто не би требало да ме внесе и нема да ме внесе ако наместо да отворам гугл, отидам кај доктор којшто е специјалист за тоа. И докторот ќе ми објасни што е спина бифида, ќе ми каже дека зад неа нема ништо, ќе ми каже да си го гледам детенцето како расте, да го донесам после шест месеци на контрола, па после шест месеци ако сето тоа помине ќе ми рече ОК, заборавете на сето тоа.
Спиналните малформации, оние на пршлените и ‘рбетниот мозок, честопати знаат да бидат придружени и со други аномалии. Детето за коешто говоревме во претходниот текст има септум дефект, тоа значи дека има несраснат септум на срцето, помеѓу преткоморите
Не можам да сфатам зашто истиот тој родител или пациент кога ќе му се расипе автомобилот не листа на гугл за да види што и фали на колата, туку веднаш ја носи на механичар. А ако кашла тогаш ќе седне и на гугл ќе бара зошто кашла. И тогаш гугл ќе го одведе од карцином на белите дробови до туберкулоза итн. И практично пациентот сам ќе си се разболи.
За да можам да го интерпретирам гугл и она што пишува на него, мене ми треба најмалку дваесет години едукација во тоа во коешто барам. И ја правиме основната грешка – или ќе го прочиташ гугл како што ти одговара или некој сериозен симптом ќе го прочиташ како ништо и ќе дојдеш доцна на доктор, или безначаен симптом ќе го прочиташ како нешто многу значајно, ќе се разболиш и ќе имаш проблем цел живот.
Гугализацијата е „болест“ на 21 век
Оваа болест, гугализацијата во медицината спаѓа во новата категорија на заболувања, коишто се јавуваат при листање на одредени симптоми, барајќи ја причината на гугл. Се јавува сега, во последнава деценија, па и помалку, затоа што секој има миникомпјутер во својот џеб и сечиј мобилен телефон е миникомпјутер на којшто во моменти кога човек нема што да прави – гугла и наоѓа симптоми. Се повеќе пациенти ми доаѓаат со овие потешкотии… Му се случила вртоглавица и чита веднаш на гугл што се може да биде причина за вртоглавица, па доаѓа испаничен и ги потенцира симптомите.
Најтешко е да се излечи пациент којшто е здрав. Полесно се лечи пациент којшто навистина има некаква болест, отколку умислен пациент којшто има некоја умислена болест добиена од листање на интернет.
