Нема конкретно правило кога девојчињата треба да одат на прв гинеколошки преглед, но појавата на менструалиот циклус секако е добар повод девојчињата да се запознаат со многу важни факти за своето тело. Иако првиот циклус може да се појави во период од 9 до 16 години, кај повеќето девојчиња, менструалниот циклус се јавува до 14. година.
Многу родители се во заблуда ако мислат дека девојчињата не треба да одат на гинеколог доколку немале сексуални односи. Меѓутоа, лекарите препорачуваат на преглед да одат што побрзо, за да создадат прв контакт со гинекологот, да го запознаат телото и неговите функции, но и да добијат совети за контрацепција и полни болести пред да се впуштат во сексуални односи.
Прегледите за девојчињата кои се уште немаа полов однос во голема мера се олеснети со воведување на ултразвучни апарати, бидејќи лекарот може да го види изгледот и величината на матката и јајчниците. Токму на основа на ваквите прегледи, гинекологот може да утврди дали се е во ред со органите и дали постојат потенцијални проблеми. Секако, ќе му бидат важни и податоци за менструалниот циклус, на основ на кои може да се донесе заклучок дали репродуктивните органи функционираат како што треба.
Она што секој родител треба да го направи, ако и кога ќерката ќе се пожали на болка, изостанок на циклус или било каков гинеколошки проблем, веднаш да ја однесе на лекар. Засилен исцедок од вагината, чешање, пецкање и непријатен мирис исто така се причини за посета на гинеколог.
