Развојниот психолог, Амене Шахаеиан, за „The Conversation“ вели дека родителите би можеле со едно свое тврдење за Дедо Мраз да им нанесат сериозна штета на своите деца.
„Возрасните не би требало да ги лажат децата за Дедо Мраз. Кога детето ќе ги праша дали е вистински или не, тоа веќе е во фаза кога може да направи разлика помеѓу реалноста и измислените ликови. Кога детето ќе стигне до оваа развојна фаза, не е корисно ако лажеме за измислен лик каков што е Дедо Мраз“, рече таа.
Според истражувањата, дури 83% од петгодишните деца велат дека веруваат во Дедо Мраз
Затоа, иако можеби го сакате најдоброто за вашето дете, според експертката, не треба да лажете. Со ова се согласува и професорката Ребека Инглиш.
„Не треба да ги лажете своите деца, бидејќи на тој начин ги поттикнувате да веруваат во морално двосмислена лага. Кога како дете дознав дека моите родители ме лажат за Дедо Мраз, се запрашав за што друго ме лажат“, објасни таа.
Според истражувањата, дури 83% од петгодишните велат дека веруваат во Дедо Мраз. Ако планирате да му ја кажете вистината на вашето дете, постојат неколку начини да го направите тоа на соодветен начин.
„Полесно е да ги потврдите нивните сомнежи кога ќе почнат да испрашуваат, отколку да ја откриете вистината од ведро небо. Објаснете му на вашето дете дека иако Дедо Мраз не е тој што ги носи подароците, пораката за Божиќ како празник на мирот и добрината е сè уште вистинита. Можете да ја ублажите вистината со тоа што ќе му кажете на вашето дете да верува дека новогодишните и божиќните празници се најмагичното време во годината“, советува психологот д-р Аманда Гумер.
