Периодот на пубертет и адолесценција е подеднакво турбулентен како за детето така и за неговите родители. Хормоните, социјалните притисоци и интензивните емоции често може да доведат до одредени промени во однесувањето на детето, што е сосема нормално, тврдат психолозите. Сепак, постојат одредени предупредувачки знаци кои би можеле да укажат дека кај детето постои посериозен проблем, пренесува „Parenting For Brain“.
Имено, психолозите предупредуваат на неколку јасни, но и суптилни предупредувачки знаци кои може да укажуваат на посериозен проблем кај детето во пубертет. Тоа се:
- полоши оценки,
- социјална изолација,
- проблеми со спиењето,
- губење на интерес за општествени активности или воннаставни активности во кои порано уживало детето,
- нагли промени во расположението,
- раздразливост,
- агресивно и бунтовно однесување,
- таинственост,
- екстремно губење на тежината или драматично зголемување на телесната тежина,
- губење на апетит,
- депресија,
- анксиозност,
- прекумерна грижа за тежината,
- екстремни диети,
- деликвентно или ризично сексуално однесување.
