Децата уживаат да си играат во нечистотија, песок, кал, а родителите обично се тие што постојано ги опоменуваат да не се валкаат премногу и да бидат повнимателни. Сепак, пред следниот пат да му кажете на вашето дете да внимава да не се извалка, можеби би требало да слушнете зошто е добро да им дозволите на малите да се извалкаат додека си играат – докторите Брет Финли и Мери-Клер Арјета објаснуват какви придобивки носи тоа за децата.
Стручњаците се едногласни: родителите треба да им дозволат на децата слободно да си играат надвор, без страв дека ќе се извалкаат. Играта во песок, копањето земја, трчањето по тревници, газењето во барички или „ловот“ на инсекти не се само обична забава – тие се дел од клучниот процес на учење и развој на децата
Изложеност на бактерии и нечистотија
Во последниве неколку години, научниците почнаа повеќе да посветуваат внимание на тоа каква улога играат бактериите во нашето здравје, особено во здравјето на децата чии организми сè уште се во развој. Затоа и д-р Финли и д-р Арјета во книгата Let Them Eat Dirt: Saving Your Child From an Oversanitized World пишуваат за тоа колку е добро за децата да бидат изложени на бактерии.
Според зборовите на авторите, новите истражувања покажале дека еден од најкритичните периоди за прилагодување на организмот на микробите се првите 100 дена од животот на бебето.
Од друга страна, микробната нерамнотежа може потенцијално да ги направи децата подложни на кожни заболувања како што е дерматитис, пренесува everymum.ie.
Како што истакнуваат авторите, постојат неколку студии кои укажуваат на важноста од присуството на деца во средини со разновидни бактерии. Една шведска студија, објавена во списанието JAMA Pediatrics, открила дека децата кои растат со кучиња имаат помала веројатност да развијат астма, затоа што се изложени на поголем број микроби.
Кога децата бараат „закопано богатство“ или градат замоци од кал, тие не само што ја развиваат својата имагинација, туку учат и како функционира светот околу нив. Овие игри поттикнуваат моторна координација, сензорна интеграција и креативно размислување
Студијата опфатила повеќе од еден милион шведски деца и открила дека децата кои растеле со кучиња имаат приближно 15 отсто помал ризик од астма отколку децата кои растеле без нив.
Земајќи го сето тоа предвид, стручњаците се едногласни: родителите треба да им дозволат на децата слободно да си играат надвор, без страв дека ќе се извалкаат. Играта во песок, копањето земја, трчањето по тревници, газењето во барички или „ловот“ на инсекти не се само обична забава – тие се дел од клучниот процес на учење и развој.
Кога децата бараат „закопано богатство“ или градат замоци од кал, тие не само што ја развиваат својата имагинација, туку учат и како функционира светот околу нив. Овие игри поттикнуваат моторна координација, сензорна интеграција и креативно размислување.
Паркчињата, дворовите, тревниците и шумите се природни училници. Таму децата не само што ја вежбаат својата физичка подготвеност, туку и стекнуваат самодоверба, градат односи со врсниците и учат како да ги надминуваат предизвиците – на начин што не може да се постигне во стерилна, вештачка средина.
И, да – се валкаат. Но, тие валкани рачиња полни со кал, песок и лисја често носат најискрени насмевки и најдлабоки искуства. Таа нечистотија не треба да се гледа како проблем, туку како доказ дека детето живее, истражува, учи.
Дозволете им да се извалкаат – природната нечистотија е дел од здравиот развој.
