Потребно:
- 2 литри полномасно млеко
- 180гр кисела павлака
Подготовка: Ставете го млекото во тенџере и кога ќе почне да врие, намалете го огнот и оставете да се вари уште 10 минути. Само внимавајте млекото да не изгори. Тргнете го од шпорет и оставете го малку да се излади. Ставете од млекото во шолја, а потоа додадете ја павлаката и измешајте. Добиената смеса вратете ја во млекото и убаво измешајте. Покријте со проѕирна фолија и ставете на топло место преку ноќ, по можност до шпорет или парно. Ако наутро вишокот на сурутка се одвои одозгора, не го тргајте, ќе се соедини додека е во фрижидер. Кога млекото ќе се згусне значи дека е закиселено, затоа задолжително ставете го во фрижидер. Добар апетит!
