Потребно:
За сирупот:
Мерата е чаша од 200мл
- 600мл вода
- 1 чаша шеќер (чаша од 200мл)
- 3-4 кругови лимон
За тестото:
- 5 јајца
- 1 чаша шеќер
- 1 чаша млеко
- ½ чаша масло
- 2 чаши мелени ореви
- 1 чаша гриз
- 2 чаши брашно
- 1 прашок за печиво
Подготовка: Прво подгответе го сирупот. Сите состојки ставете ги во тенџере да се готват до точка на вриење околу пет минути, а потоа оставете да се олади малку. Вклучете ја рерната да се загрее на 200 степени Тавчето во кое ќе го печете колачот подмачкајте го масло и наросете брашно. Изматете ги јајцата со шеќерот, па додадете ги останатите состојки. Печете околу 35-40 минути. Жешкиот колач прелијте го со делумно оладениот сируп. Оставете колачот да ја впие течноста и по желба одозгора наросете мелени ореви.
