Потребно:
- 1 кг риба ослиќ
- 100 гр пченкарно брашно
- 1 лажица мелен црвен пипер
- 1 лажица сув зачин
- 1 лажичка мелен црн пипер
- 1 лажица зачин за риба
- 1 лимон (и изрендана кора)
- Масло за јадење
Подготовка: Рибата уште додека е замрзната излупете ја од кожата, нежно отстранете го внатрешниот дел (доколку го има) и изимјте ја. Ослиќот најлесно се лупи додека е се уште замрзнат, бидејќи кога ќе се одмрзне, со кожата ќе ви се лупи и дел од месото на рибата. Откако ќе ја измиете, рибата ставете ја во сад за целосно да се одмрзне. Кога ќе биде одмрзната, со хартиени салфетки, убаво избришете ја, да биде сува. Во длабока чинија измешајте ги сите суви зачини и кората од лимон. Секоја риба убаво извалкајте ја во смесата, и редете ја во огноотпорен сад кој претходно сте го намачкале со масло. Кога ќе бидете готови, помеѓу секое парче риба ставете кришка лимон. Врз сето тоа, наросете малку масло за јадење. Садот прекријте го со капак или со алуминиумска фолија и ставете да се пече на 180 степени, околу 20 минути. Потоа извадете го капакот или фолијата и оставете да се запече уште 20-25 минути, додека не порумени рибата. Добар апетит!
