Потребно:
- 400гр пченка (замрзната)
- 250гр морков
- 150 гр кашкавал
- ½ кромид
- 4 варени јајца
- 2 парчиња пилешки стек
- 1 пиперка
- 1 краставица
- 100гр мајонез
- 1 лажица шеќер
- 3 лажици овет
- 5 лажици вода
Подготовка: Кромидот исечкајте го на коцки. Во чинија измешајте го оцетот, шеќерот и водата. Додадете го исечканиот кромид и оставете да отстои 20 минути. Белото месо испечете го и исечете го на коцки. Јајцата, морковот и кашкавалот изрендајте ги на крупно. Земете калап со пречник 17 см. Првиот слој е пилешкото месо. Премачкајте го со мајонез, малку потиснете. Потоа ставете го одозгора скиселениот кромид. Потоа ставете го изренданиот морков. Следат ренданите јајца, па пак мајонез. Сварената пченка ставете ја врз јајцата и пак лесно премачкајте со мајонез. На крајот ставете го кашкавалот. Пак ставете мајонез. Пиперката, краставицата исечете ги на мали коцки, а може да додадете и уште еден морков и свеж магодонос. Најгоре на салатата по краевите ставете морков, а во внатрешноста на кругот ставете магдонос. Потоа во круд наредете пиперка и на крајот во круг краставица. Оставете кусо да се олади редената салата и внимателно извадете ја од калапот.
