Потребно:
- 500 гр путер на собна температура
- 500 гр свежо кравјо сирење
- 500 гр брашно
- 2 лажички морска сол
- 1 жолчка од јајце
- 4 лажици сусам
Подготовка: Путерот се сече на парчиња и се меша со миксер во сад со кравјото сирење, брашното и солта. Обликувајте топка и завиткајте во проѕирна фолија. Оставете на ладно место 2-3 часа, по можност преку ноќ. Расукајте го тестото на набрашнета површина со дебелина на прст. Исечете кругови со тркалезен секач со дијаметар од околу 4 см. Преостанатото тесто развлечете го повторно (не повеќе од еднаш) и исечете. Наредете ги соленките на растојание од 2-3 см на плех обложен со хартија за печење. Премачкајте ги со жолчка и посипете со сусам. Печете во рерна на 200 °C 10-15 минути додека не поруменат малку. Добар апетит!
