РЕЦЕПТ НА ДЕНОТ: Студено кафе со ванила и цимет

Едноставна и брза напивка која сигурно по првата голтка ќе сакате да ја приготвувате секој ден. Сите состојки веројатно веќе ги имате во кујна, па можете веднаш да поченете со подготвување на овој освежителен пијалок, кој никако нема да влијае на зголемување на телесната тежина, а е гурманско уживање за непцата.

Потребно:

  • 1 шолја (200мл) оладено турско кафе
  • 100мл бадемово или млеко од соја со вкус на ванила
  • Малку цимет
  • 1 мала лажичка засладувач (агаве, еритритол, мускадов шеќер)
  • 7-8 коцки мраз

Подготовка: Сварете го турското кафе и оставете убаво да се олади. Префрлете го кафето во голема чаша, додадете го избраниот засладувач (може по желба и обичен шеќер), циметот и се добро измешајте. Потоа додадете го млекото со вкус на ванила. Повторно се убаво измешајте и додадете го мразот во напивката за посебното доживување и освежување. По желба кафето може да го оплемените со малку шлаг или сладолед, а наместо млеко од соја, може да користите обично млеко и да додадете екстракт од ванила.

ПОВРЗАНИ НАПИСИПОВЕЌЕ ОД АВТОРОТ