РЕЦЕПТ НА ДЕНОТ: Супа од зеленчук

Во овие есенски денови, кога вирозите се многу чести, овој зелечуков бујон одлично се вклопува во дневното мени на децата. Овој оброк може да се дава на бебиња, односно на деца над 11 месечна возраст.

Потребно:

  • Еден морков
  • Стебло праз со средна големина
  • Брокула
  • Помала главица карфиол
  • Една тиквичка
  • Малку грашок или други мешунки по избор
  • Два свежи домати
  • Пилешки бујон
  • Зачини

Подготовка:

Празот исечкајте го на кругови и кратко пропржете го на масло, додате зачини и сол по желба. Останатиот зеленчук ситно исечкајте го и додадете го во тенџерето и се заедно варете на тивок оган, со малку вода. Кога состојките убаво ќе се поврзат, додадете го свежиот домат кој претходно сте го изрендале, убаво промешајте, залејте со пилешкиот бујон и продолжете го варењето. По потреба, во зелечукот доадавајте вода. Кога зеленчукот ќе биде сварен до пола, додадете ги избраните мешунки и варете додека не биде готово. За помалите деца – бебиња зеленчукот со вилушка изгмечете го.