Потребно:
- 600 гр варени моркови
- Сол, бибер, куркума (по вкус)
- 4 жолчки
- 4 белки
- 60 гр брашно
- 1 кесичка прашок за печиво
За полнење:
- 125 гр крем сирење
- Копар, магдонос по вкус
- Млад кромид (ситно сецкан)
Подготовка: Сварениот морков изгмечете го во пире (може да користите и блендер). Додадете сол, бибер и малку куркума за боја и вкус. Изматете ги жолчките и измешајте ги во морковите. Додадете го просеано брашното помешано со прашок за печиво. На крајот внимателно измешајте ги изматените белки. Смесата рамномерно распоредете ја на плех обложен со хартија за печење. Се пече во загреана рерна на 180°C околу 20 минути. Оставете да се излади. Подгответе го филот така што ќе го измешате крем сирењето со копар, сечкан магдонос и млад кромид. Изладената кора внимателно одделете ја од хартијата. Премачкајте ја со подготвениот фил и внимателно завиткајте во ролат. Завиткајте во проѕирна фолија и оставете во фрижидер најмалку 2 часа да се стегне. Добар апетит!
