По 131 ден поминат на ЈЗУ Универзитетска клиника за гинекологија и акушерство – Скопје, малата Дуа со солзи радосници беше испратена дома.
Дуа е родена на 12 март во 24. гестациска недела, со само 520 грама, и по повеќе од 4 месеци престој на Одделението за интензивна нега и терапија (ОИНТ), ектремното прематурче си замина како здраво бебе со тежина од 1890 грама, информираат од ГАК.
„Дуа како вистинска мала дама си замина во фустан од нашата клиника и си отиде со мама и тато во Кичево, кои се пресреќни што конечно нивното прво бебе ќе си го гушкаат во својот дом“, објавија од Клиниката.
Малата Дуа, еден од најголемите борци, во изминатите 4 месеци и 11 дена секојдневно ја добиваше медицинската нега и безграничната љубов од педијатрите, медицинските сестри и од целиот персонал на ОИНТ на ГАК
Малата Дуа, еден од нашите најголеми борци, овие 4 месеци и 11 дена секојдневно ја добиваше медицинската нега и безграничната љубов од педијатрите, медицинските сестри и од целиот персонал на ОИНТ, кои посветено се бореа заедно со неа. ЈЗУ У ГАК и посакува многу здравје и среќно и безгрижно детство, во надеж дека секогаш ќе ве радуваме со среќни приказни за нашите најмали новородени“, велат од ГАК.
