Четиригодишниот Чарли Де Фраја од САД за малку ќе умрел кога метална сламка му прободела витална артерија во грлото и привремено му го прекинала дотокот на крв во мозокот. Момчето паднало преку работ на тремот додека пиело сок со метална сламка, која му го прободела грлото, пишува „Today“.
Иако металните сламки станаа популарна алтернатива на пластиката за еднократна употреба, тие беа поврзани со неколку повреди во минатото
Кога родителите излегле и го виделе лицето на синот облеано во крв, најпрвин помислиле дека си го гризнал јазикот. Но, кога пристигнала брзата помош, станало јасно дека загубата на крв на момчето е последица на сериозна повреда.
„Не можевме да му измериме крвен притисок. Тој во основа искрвави…“, изјави за „Today“ д-р Ричард Скривен, шеф на педијатриска траума во болницата „Стони Брук“.
Лекарите утврдиле дека Де Фраја претрпел повреда на внатрешната каротидна артерија, една од главните патишта што го снабдуваат мозокот со крв и кислород. Успеале да го запрат крвавењето, но санирањето на артеријата било предизвик. Операцијата траела само 45 минути, а по една недела во медицински индуцирана кома момчето почнало да закрепнува.
Несреќата нагласува колку металните сламки можат да бидат небезбедни за децата
Де Фраја добро се опоравил, но несреќата беше доволна за неговата мајка засекогаш да се откаже од металните сламки. „Тие се во ѓубре од денот по несреќата“, рече Кристал Де Фраја.
Иако металните сламки станаа популарна алтернатива на пластиката за еднократна употреба, тие беа поврзани со неколку повреди во минатото. „Старбакс“ ги советуваше родителите да ги држат сламките од нерѓосувачки челик подалеку од децата откако добија извештаи за мали деца кои ја исекле устата со нив. Во 2016 година, компанијата повлече 2,5 милиони метални сламки и ги замени со акрилни сламки.
