Поради честите случаи на давење на деца, во САД спровеле тестирање на бои за костими за капење, односно кои бои најдобро се забележуваат во различни типови на вода, а резултатите се применети на безбедност на децата при капење.
Време е на одмор и пливање во море, река, езеро, базен. И, се разбира, купување на костими за капење за целото семејство. Но, кога купувате костим за капење или гаќички за вашите деца, пред сè обрнете внимание на големината, материјалот, моделот и бојата кои му се допаѓаат на детето. Можеби не сте размислувале дека изборот на боја е подеднакво важен како и изборот на големина и дека колку е позабележлива бојата во водата, толку полесно ќе биде да имате контрола над детето додека се капе.
Возрасен човек секогаш треба да ги надгледува децата кои играат во вода. Имено, најголем број несреќи се случуваат во група, кога никој од возрасните не е задолжен за надгледување, а секој мисли дека некој друг ги надгледува децата
Алив Солушнс Инк, организација која ги едуцира спасувачите, ја тестираше видливоста на боите во езеро и во базен, и во двата случаи се покажа дека флуоресцентните бои се забележуваат на длабочина од половина метар. Но, можеби ќе се изненадите како другите бои го поминаа тестирањето.
На тестирањето на море, најзабележливи под вода се покажале флуоресцентно портокаловата и флуоресцентно розовата боја.
Кога се тестираат во езеро, на пример, најзабележливи под вода се флуоресцентни жолти, флуоресцентни зелени и флуоресцентни портокалови, додека сите други бои се скоро невидливи.
„Прво ја тестиравме секоја боја на површината на водата, потоа веднаш под површината и на крајот на длабочина од половина метар, симулирајќи притоа дека набљудувачот стои на бродот или на брегот“, објаснија истражувачите.
- На тестирањето на базен, тимот споредил колку се забележуваат децата во различни бои на костими за капење кога се движат по површината, под вода или кога симулираат давење. Повторно, флуоресцентните бои како розова, портокалова и жолта биле најзабележливи
„Белата и светло сината боја се покажаа како најнезабележливи бои, скоро спојувајќи се со бојата на водата, додека најзабележителни беа флуоресцентни розови и флуоресцентни портокалови“, објаснија истражувачите. „Исто така, кога станува збор за базен, црната боја е забележлива, но под услов дното да е бело и чисто, а во сите други услови е незабележлива.“
„Но запомнете, без оглед на видливоста на бојата, ако децата не се сигурни пливачи, држете ги под постојан надзор“, советуваат од организацијата.
Тие исто така советуваат еден возрасен човек секогаш да ги надгледува децата кои играат во вода. Имено, најголем број несреќи се случуваат во група, кога никој од возрасните не е задолжен за надгледување, а секој мисли дека некој друг ги надгледува децата.
