Родителите мора да внимаваат колку време поминуваат нивните деца пред екраните – долготрајната изложеност на екрани е значаен фактор во растечката појава на кратковидост кај децата. Истражувањата покажуваат дека стапката на кратковидост значително се зголемила за време на пандемијата, достигнувајќи до 36 % во некои популации, како што е случајот со Хонг Конг. Исто така, прекумерната употреба на екрани, oсобено на паметни телефони и компјутери е поврзана со повисоки стапки на кратковидост. Некои студии покажуваат дека децата кои поминуваат повеќе од 4 часа дневно пред екрани имаат поголем ризик да развијат кратковидост.
Водичот на групата InfoWatch, д-р Наталија Касперскаја, вели дека гаџетите се дизајнирани да го привлечат вниманието на корисниците.
„Видеоигрите се намерно дизајнирани да создадат зависност. Тешко е да ги оставите уредите и да се одалечите од телефонот. Истиот принцип важи и за вестите, социјалните мрежи и така натаму“, рече таа.
Таа додава дека ова не е единствената штетна последица на екраните.
Седечкиот начин на живот доведува до сколиоза и физичка неактивност. Постојаната комуникација преку гаџети го зголемува бројот на случаи на асоцијално однесување
„Седечкиот начин на живот доведува до сколиоза и физичка неактивност. Постојаната комуникација преку гаџети го зголемува бројот на случаи на асоцијално однесување“, забележува таа.
Според експертите, родителите треба да се договорат со своите деца за временските ограничувања за користење на паметните телефони. Во никој случај не се советува целосно да се забранат, туку да им се објасни на децата зошто гаџетите се штетни и какви ризици носи нивната прекумерна употреба.
За потсетување, шведската Агенција за јавно здравје неодамна издаде препорака децата на возраст под две години воопшто да не користат мобилни телефони и други дигитални уреди. Строгата мерка произлезе од зголемената загриженост за долгорочните ефекти што технологијата може да ги има врз малите деца.
