Telogen effluvium (медицински термин за оваа состојба) може да се активира со операција, поголема физичка траума, голем психолошки стрес, висока температура, тешка инфекција, екстремно губење на тежината, екстремни промени во исхраната, ненадејни хормонални промени или недостаток на железо. Накратко, губење на косата се јавува кога телото ќе доживее шок
Сè уште не се знае многу и речиси секојдневно се пишува нешто ново за коронавирусот, неговите симптоми и здравствени последици од COVID-19. Едно од најновите сознанија е дека коронавирусот може да предизвика губење на косата.
Д-р Мишел С. Грин, дерматолог во болницата Ленокс Хил во Њујорк, тврди дека за време на карантинот и по отворањето, забележано е зголемување на бројот на пациенти кои бараат третман токму поради губење на косата.
„Пациентите буквално доаѓаат со полни ќесички коса и сите имаат слични приказни. Биле многу болни, имале висока температура, а претходно никогаш не биле болни“, вели д-р Мишел Грин за USA Today.
Според наводите на Медицинскиот факултет на Универзитетот Харвард, telogen effluvium (медицински термин за оваа состојба) може да се активира со операција, поголема физичка траума, голем психолошки стрес, висока температура, тешка инфекција, екстремно губење на тежината, екстремни промени во исхраната, ненадејни хормонални промени или недостаток на железо. Накратко, губење на косата се јавува кога телото ќе доживее шок.
Повеќето пациенти, додава лекарката, се соочуваат со опаѓање на косата неколку недели или месеци по закрепнувањето од почетниот шок. Пациентот може да изгуби и до 50 проценти од косата, но тоа е привремено бидејќи опаѓањето се намалува во текот на следните шест месеци и на крајот косата се враќа во нормална состојба.
Експертите не можат да објаснат зошто кај некои луѓе се јавува ваква последица, а кај други не, но шпекулираат дека некои луѓе имаат генетска предиспозиција за оваа состојба. Иако постојат медицински лекови кои може да се набават без рецепт, а можат да го забрзаат растот на косата, на пациентите им се советува наместо тоа да се фокусираат на добро балансирана исхрана и да земаат витамини кои го поттикнуваат растот на косата.
