Иако е сосема разбирливо дека секој родител одвреме – навреме ќе му даде на своето дете некоја намирница која и не е најдобра за него, одредена храна сепак би требало да избегнуваме да му даваме на нашето малечко. Како што објаснуваат педијатрите, намирниците како оние кои се богати со вештачки шеќери или масти може да му наштетат на здравјето на детето, поради што е препорачливо нивната консумација да се намали на минимум.
Исто така нагласуваат дека повремено на децата им е дозволено да јадат некоја од овие намирници, но во никој случај не треба да претеруваат со нивната консумација. Еве за кои нездрави, а многу популарни намирници за децата се работи:
- гумени бонбони,
- засладени снегулки,
- купечки овошни сокови,
- пуканки,
- јогурт со вкус,
- помфрит,
- виршли.
Повеќето од овие намирници содржат големи количини сол, масти или вештачки засладувачи кои можат да бидат потенцијално опасни за здравјето на детето. Исто така, ниту една од овие намирници не е богата со нутритивни вредности кои на нашето малечко би му го дале она што му е потребно за да се развие правилно.
