Што не сте знаеле за доењето?
Се препорачува подолго отколку што мислите. Старосната граница до кога да го доите детето варира, но Светската здравствена организација советува дека доењето е задолжително во првите шест месеци од животот на бебето, а подоцна бебето може да цица до втората година од животот. Некои истражувачи пак, советуваат, тоа да се прави и подолго, до петтата година.
Млекото може да ја промени бојата. Од светло сина, до совршено бела, мајчиното млеко може да биде во различни бои, а нијансата зависи и од намирниците кои жената ги консумира.
И вкусот може да се промени. Како и бојата, и вкусот зависи од намирниците кои мајката ги јаде. Колку млекото е со различен вкус, најдобро ќе покаже самото бебе, па доколку многу плаче по доењето, знајте дека сте изеле нешто што не му годи на бебето.
Млекото може да содржи и алкохол. Доколку консумирате алкохол, имајте на ум дека алкохолот покрај во крвта, го има и во млекото.
Самите дојки може да произведат различна количина млеко. Се случува поголемата дојка, поради количината на ткиво, да произведува и повеќе млеко.
Доењето може да ви предизвика грчеви. Хормонот окситоцин, кој се испушта за време на доењето, помага матката да се врати во нормална состојба и големина. Во првите денови од доењето, може да почувствувате контракции и грчеви во пределот на стомакот.
Жената која дои произведува скоро литар млеко на ден. Некои жени имаат поголем, а некои помал капацитет, но во просек, мајката произведува по 800мл млеко секој ден.
