Сезоната на алергии е во полн ек, а многумина веќе ги чувствуваат последиците. Многу деца имаат симптоми слични на настинка предизвикани од поленска треска – од често кивање и затнат нос до насолзени и иритирани очи.
Општиот лекар д-р Роџер Хендерсон истакнува дека на децата, особено на помладите им треба дополнително внимание бидејќи нивниот имунолошки систем е се уште во развој и тие можат да реагираат поинаку. Но, еден совет изненади многу родители: плишаните играчки можат да го задржат поленот и да ги влошат симптомите.
Уште еден проблем се иритираните очи – децата често ги тријат, што дополнително ги влошува симптомите. Ладните облоги можат да го намалат црвенилото и чешањето на природен начин
„Перете ги редовно плишаните играчки бидејќи собираат полен и прашина“, советува тој. „Прочистувачот на воздухот може да помогне да се отстрани поленот од просторијата, а влажната крпа со која ќе го пребришете мебелот и меките играчки помага да се отстранат насобраните алергени“, пишува „Мирор“.
Уште еден проблем се иритираните очи – децата често ги тријат, што дополнително ги влошува симптомите. Ладните облоги можат да го намалат црвенилото и чешањето на природен начин. Исто така, тенок слој вазелин нанесен во ноздрите може да спречи навлегување на поленот во респираторниот тракт, што е особено корисно за децата кои многу си играат на отворено.
За на училиште е практично да се подготви мал „комплет за алергија“ со марамчиња, влажни марамчиња и спреј со физиолошки раствор. Очилата за сонце и шапката може да ја намалат изложеноста на полен, а редовното миење на рацете исто така помага да се отстрани поленот од кожата.
Тенок слој вазелин нанесен во ноздрите може да спречи навлегување на поленот во респираторниот тракт, што е особено корисно за децата кои многу си играат на отворено
Друг корисен совет е да ја проверувате прогнозата за полен секој ден, за да можете да ги планирате вашите активности на отворено. По престојот надвор, добро е да им ја измиете косата на децата и да ги пресоблечете за да го отстраните поленот.
Уште неколку корисни совети:
Ограничете го времето на отворено кога концентрациите на полен се високи и држете ги прозорците и вратите затворени за да спречите поленот да влезе во домот.
По престојот надвор, измијте ги рацете, косата на вашето дете и преслечете го.
Нанесете тенок слој вазелин во внатрешноста на ноздрите за да спречите навлегување на поленот.
Редовно чистете го вашиот дом.
