Додека ја подготвувате храната дома или пак ја пакувате за децата за на училиште, сигурно сте се запрашале кои намирници не треба да ги има во неа.
Д-р Роналд Плотка, стоматолог со повеќедецениско искуство, понуди насоки кои би можеле да им бидат корисни на родителите, пишува „Eat This, Not That“. Она што дефинитивно треба да се избегнува, особено кај училишните деца, се:
Слатки
Како што објаснува д-р Плотка, кога децата јадат слатки, брзо се создава киселина која може да предизвика значително оштетување на забната глеѓ, најтенкиот и во исто време најсилниот заштитен слој на забите, што може да доведе до кариес.
Чипс
Можеби е изненадувачки што омилената закуска се најде на списокот на овој стоматолог, но има објаснување за тоа.
„Чипсот, кој се прави од компири, спаѓа во намирниците кои содржат најмногу скроб, а тој многу брзо се разградува во шеќер. Предизвикува создавање на киселина во устата која ја уништува забната глеѓ на детските заби“, тврди д-р Плотка.
Скроб
Шеќерот долго време се смета за една од клучните намирници што може да доведе до појава на кариес. Д-р Плотка вели дека е направен преглед на студии кои откриле дека покрај шеќерот, и скробот е поврзан со појава на кариес кај децата.
Сушено овошје
Родителите им даваат на децата суво овошје затоа што мислат дека е здраво. Но, сувото овошје лесно се лепи за забите и на тој начин се создава добра основа за развој на бактерии и формирање на наслаги и на крајот, кариес.
