Сигурно сте слушнале совети од луѓето околу вас дека никогаш не треба да го ставате бебето да спие на грб, за да има убава форма на главата. Навистина, постои можност за синдром на рамна или залежана глава кај бебињата, што стручно се нарекува плагиоцефалија.
Она што треба да го знаете е дека оваа состојба воопшто не е опасна за бебето, а многу често и исчезнува сама од себе кога детето ќе почне да седи и со тоа поминува помалку време во лежечка положба.
Плагиоцефалијата или синдромот на рамна глава најчесто се јавува поради положбата во која бебето го минува времето, па поради притисокот се менува обликот на неговата мека глава.
Еве што можете да направите за да спречите рамна глава
- Менувајте ги позициите во кои лежи бебето, така што ќе поминува приближно еднакво време и на едната и на другата страна.
- Ограничете го времето што вашето бебе го поминува лежејќи на грб.
- Ставајте го вашето бебе на стомак кога е будно (и под ваш строг надзор, се разбира).
- Ако го доите вашето бебе, внимавајте наизменично да го ставате на едната и на другата страна, за да ги активира сите мускули.
- Не го ставајте бебето долго ниту секојдневно да спие во автомобилско седиште или лулашка, бидејќи тие ги ограничуваат движењата на главата на бебето.
- Носете го бебето во различни позиции. Исто како и при доење и лежење, важно е да ги смените позициите и кога го носите.
На крајот, доколку сепак забележите зарамнета глава кај бебето, не паничете бидејќи често поминува по неколку месеци. Секако, доколку сте загрижени, најдобро е да побарате совет од лекар.
