Американската управа за храна и лекови ФДА ги предупредува родителите дека на децата помлади од една година не треба да им се дава мед, па дури ни на цуцлата. Во Тексас биле хоспитализирани четири деца со дијагноза ботулизам, по користење на мед.
Ботулизам е ретка болест, а често може да биде и фатална. Предизвикана е од ботулински токсин, кој може да доведе до проблеми со дишењето, потешкотии во говорот и голтањето, па и до слабост и парализа на фацијалните мускули.
Кај деца помлади од 12 месеци, симптомите обично се манифестираат преку запек проследен со слаб апетит. На бебето му се смалува контролата на главата и отежнато дише.
Познато е дека медот е поврзат со ботулизмот во помалата возраст, но за децата постари од една година, како и за возрасните, оваа намирница е апсолутна безбедна за употреба.
