Ново истражување на Универзитетската болница во Цирих открило дека постои “најдобро“ време за зачнување.
“Квалитетот на спермата на мажот се менува во зависност од периодот на денот, односно ритамот“, изјавила авторката на истражувањето д-р Бриџит Линерс. Таа додала дека “спермата е со најдобар квалитет рано наутро“.
Тоа значи дека полов однос наутро, може да биде вистинско време за зачнување. Попрецизно, научниците тврдат дека идеално време е околу 7:30 часот.
Откриено е и дека најплодни месеци за мажите се март, април и мај, додека за време на летните месеци се најмалку плодни.
До овие податоци научниците дошле со испитување на примероци во кои го набљудувале бројот на сперматозоиди, нивната подвижност, форма и концентрација. Тие испитале примероци од 7.100 мажи на возраст од 25 до 40 години.
