Светскиот ден на менталното здравје се одбележува секоја година на 10 октомври, почнувајќи од 1992 година, во организација на Светската федерација за ментално здравје (WFMH). Официјалната тема за 2024 година е „Време е да се даде приоритет на менталното здравје на работното место“.
Целта на Денот е подигање на свеста за проблемите со менталното здравје ширум светот и мобилизирање ресурси за поддршка на менталното здравје. Дополнително, се става акцент на идејата за поттикнување на грижата за менталното здравје на исто ниво како и грижата за физичкото здравје, имајќи предвид дека долги години проблемите со менталното здравје беа маргинализирани и игнорирани.
Според податоците на Светската здравствена организација, лошите работни услови често предизвикуваат проблеми како стрес, анксиозност и синдром на прегорување (burnout). Затоа е важно работодавците да препознаат како работните услови влијаат на вработените и да направат промени што ќе им помогнат да се чувствуваат подобро
Светскиот ден на менталното здравје годинава е во знак на „менталното здравје на работното место“. На овој начин се прави обид да се стави фокус на важноста на работната средина во грижата за менталното здравје, при што се нагласува дека и работната средина мора да се прилагоди и на психолошката благосостојба на поединецот. Безбедната и здрава работна средина придонесува за менталното здравје како заштитен фактор. Нездравите работни услови кои вклучуваат стигма, дискриминација и вознемирување секако претставуваат ризици за менталното здравје, го намалуваат квалитетот на животот и следствено на работната продуктивност.
Светскиот ден на менталното здравје се одбележува секоја година на 10 октомври, почнувајќи од 1992 година, во организација на Светската федерација за ментално здравје (WFMH). Официјалната тема за 2024 година е „Време е да се даде приоритет на менталното здравје на работното место“
Според податоците на Светската здравствена организација, лошите работни услови често предизвикуваат проблеми како стрес, анксиозност и синдром на прегорување (burnout). Затоа е важно работодавците да препознаат како работните услови влијаат на вработените и да направат промени што ќе им помогнат да се чувствуваат подобро.
Експертите посочуваат дека доброто ментално здравје не подразбира само отсуство на ментални болести и дека исто како што за физичкото здравје мора да внимаваме на исхраната, доволно сон, физичка активност, така за добро ментално здравје мора активно да работиме. Акцентот треба да се стави на добри и топли односи со луѓето околу нас (како и дистанцирање од луѓето кои му штетат на нашето ментално здравје), да вложуваме во овие односи, да разговараме со други луѓе… Одвојте малку време во денот или неделата за активности кои ве прават среќни и во кои уживате: работа во градината, кафе со пријателите, спорт, читање, прошетка во природа… Станете свесни за вашите емоции, разберете ги, препознајте ги и зборувајте за нив.
Светскиот ден на менталното здравје нека биде потсетник да се грижиме за себе и за другите, како дома, така и на работното место. Да не заборавиме да го поставиме едноставното, а суштинско прашање: „Како си?“, но притоа да одвоиме малку време и за вистински да го слушнеме одговорот на истото.
