Ќе се сменат ли препораките за заштита од COVID-19 откако голем број научници од целиот свет реагираат со писмо до Светската здравствена организација во кое бараат СЗО да ги ревидира своите препораки?
Светската здравствена организација (СЗО) одговори дека врши ревизија на извештајот, во кој од нив се бара да ги ажурираат своите упатства за борба против коронавирусот, откако 239 научници од 32 земји преку писмо, објавено во „Clinical infectious diseases“ доставија до Организацијата докази дека вирусот може да се шири низ воздухот во мали честички.
СЗО соопшти дека вирусот првенствено се шири преку мали капки исфрлени од носот и устата на заразено лице, кои паѓаат на земја многу брзо. Меѓутоа во отвореното писмо до Организацијата научници од целиот свет укажуваат на докази кои покажуваат дека лебдечките честички на вирусот можат да го заразат лицето кое ќе ги вдиши.
Коронавирусот наоѓа нови жртви ширум светот, во баровите и рестораните, канцелариите, маркетите и казината, предизвикувајќи застрашувачки кластери на инфекција кои сè повеќе го потврдуваат она што многу научници го зборуваат со месеци: Вирусот останува во воздухот во затворени простории, заразувајќи ги оние во близина
Бидејќи овие мали честички можат да лебдат во воздухот, научниците бараат од СЗО да ги ажурира своите препораки.
„Запознаени сме со статијата и техничките експерти веќе вршат ревизија на содржината“, изјави портпаролот на СЗО, Тарик Јасаревиќ.
„Коронавирусот наоѓа нови жртви ширум светот, во баровите и рестораните, канцелариите, маркетите и казината, предизвикувајќи застрашувачки кластери на инфекција кои сè повеќе го потврдуваат она што многу научници го зборуваат со месеци: Вирусот останува во воздухот во затворени простории, заразувајќи ги оние во близина“, пишува „Њујорк тајмс“.
