♦♦♦♦♦♦♦
Висок официјален претставник на Светската здравствена организација истакна дека СЗО го разгледува ставот на швајцарските власти кои велат дека бабите и дедовците можат безбедно да ги гушкаат своите внуци без да ризикуваат да заболат од коронавирус.
„Сигурна сум дека многу баби и дедовци ширум светот „умираат“ да ги гушнат своите внуци“, изјави Марија ван Керкхов, технички водич на Програмата за итни случаи на Светската здравствена организација, за време на вчерашната прес-конференција на СЗО. „Нема причина да се мисли дека децата се помалку подложни на инфекција ако се изложени и дека тие не можат да ја пренесат. Ние навистина не го гледаме ова во епидемиологијата“, пренесува Business insider.
Коментарите на Марија Ван Керкхов доаѓаат откако висок швајцарски службеник за здравство изјави дека бабите и дедовците може да ги гушкаат своите млади внучиња, на возраст под 10 години, без ризик да заболат од COVID-19.
„Малите деца не се инфицираат и не можат да го пренесат вирусот. Тие едноставно немаат рецептори за да се заразат. Знам дека многу баби и дедовци живеат за да ги видат своите внучиња и тоа е важно за нивното ментално здравје. Тие се изложени на поголем ризик од своите деца отколку од нивните внуци“, изјави вчера д-р Даниел Кох, раководител на одделот за инфективни болести при Министерството за здравство на Швајцарија. Тој објасни нивните научници заклучиле дека малите деца до 10 години не можат да го пренесат коронавирус и дека можат слободно да ги гушкаат баба и дедо.
Швајцарија е една од бројните земји кои оваа недела ги попуштија рестриктивните мерки во борбата против коронавирусот.
