Светската здравствена организација (СЗО) утре ќе одржи вонреден состанок за да процени дали мајмунските сипаници претставуваат јавно-здрватсвена криза. Тоа е највисоко ниво на предупредување кое што агенцијата би можела да го прогласи, а во моментов важи за КОВИД-19 и детската парализа,
Оваа година во 39 земји има 1600 потврдени и уште 1500 потенцијални случаи на мајмунски сипаници, со 72 смртни случаи.
Оваа болест е ендемична во делови од Африка, но и во тие делови, бројот на заразени расте, како и во остатокот од светот. Вирусот предизвикува симптоми како настинка и кожни лезии, а се шири со близок контакт.
Главниот директор на СЗО, Тедрос Аданом Гебрејесус., изјави дека е време да се зајакне одговорот на ширењето на мајмунските сипаници бидејќи вирусот се однесува невообичаено, се шири во се повеќе земји и потребна е меѓународна координација.
“Не сакаме да чекаме додека ситуацијата не излезе од контрола“, нагласи Ибрахима Сосе Фол, директор за вонредни ситуации на СЗО во Африка.
