„Признаваме дека се појавуваат докази и затоа мора да бидеме отворени и да ги разбереме сите начини на пренесување на вирусот“, изјави претставничката на СЗО, Бенедета Алегранци
Светската здравствена организација (СЗО) соопшти дека се појавуваат докази за ширење на коронавирусот преку воздух, предупредувајќи дека „епидемијата се забрзува во светот“.
„Признаваме дека се појавуваат докази и затоа мора да бидеме отворени и да ги разбереме сите начини на пренесување на вирусот“, изјави претставничката на СЗО, Бенедета Алегранци.
Група на светски научници предупреди на таа можност во понеделникот.
„Не треба да ја исклучиме можноста за пренесување на вирусот преку воздух на јавни места, особено полни со луѓе. Се уште треба да собираме и да ги разгледаме доказите“, рече таа, препорачувајќи проветрување на затворените простори и одржување на физичка дистанца.
„Кога тоа не е можно, тогаш препорачуваме носење на заштитна маска“.
Меѓународна група од 239 научници во понеделникот ги повика СЗО и другите надлежни да признаат дека коронавирусот може да се шири во воздухот и повеќе од два метри и соодветно на тоа да ги сменат препораките за заштита од вирусот.
Иако се чини дека бројот на починатите е стабилизиран на глобално ниво, некои земји постигнаа голем напредок во намалување на бројот на мртвите, додека во други земји тој број продолжува да расте, вели првиот човек на СЗО, Тедрос Аданом Гебрејесус
Во писмото објавено во научниот магазин „Clinical infectious diseases“, авторите наведоа дека истражувањата покажале дека нема никаков сомнеж дека вирусите можат да патуваат низ воздухот десетина метри и дека анализите покажале дека истото важи и за новиот коронавирус.
Генералниот директор на СЗО, Тедрос Аданом Гебрејесус предупреди дека епидемијата продолжува да се шири и дека сè уште не го достигнала својот врв.
„Иако се чини дека бројот на починатите е стабилизиран на глобално ниво, некои земји постигнаа голем напредок во намалување на бројот на мртвите, додека во други земји тој број продолжува да расте“, рече Гебрејесус, додавајќи дека 11,4 милиони луѓе ширум светот се заразени со коронавирусот, а починале повеќе од 535 000 луѓе за шест месеци.
