За време на жешките летни месеци, обично поминуваме повеќе време на отворено, изложени на сонце. Важно е да ја научите разликата помеѓу топлотен удар и исцрпеност од топлина – разликата помеѓу овие две состојби и познавањето на симптомите може да ви помогне да се заштитите.
Останете хидрирани – испијте две до четири чаши вода на секој час додека сте на сонце
Симптоми на топлотен удар
Кога некое лице страда од топлотен удар, телесната температура може да достигне до 40° C или повеќе. Симптомите вклучуваат збунетост, нејасен говор, обилно потење или жешка, сува кожа, губење на свеста, напади и висока телесна температура, пишува „Healthline“.
Овие симптоми се сметаат за многу сериозни и ако некое лице ги забележи, треба веднаш да побара лекарска помош.
Што се однесува до исцрпеноста која се јавува за време на жештините, таа е предизвикана од дехидрираност, носење тешка и тесна облека и консумирање алкохол.
Избегнувајте алкохол и пијалоци кои содржат кофеин додека извршувате активности на големи жештини
Треба да се напомене дека одредени фактори можат да предизвикаат исцрпеност и топлотен удар. Еве што се може да влијае на зголемената чувствителност на топлина:
Возраст – деца под четири години и возрасни над 65 години имаат зголемен ризик бидејќи нивната способност да ја регулираат температурата е намалена.
Лекови на рецепт – некои лекови на рецепт можат да ја намалат способноста на телото да биде хидрирано подолго време, а дехидрираноста може да доведе до топлотен удар.
Дебелина – Телото задржува повеќе топлина ако некое лице има прекумерна тежина, а може да биде и потешко да се излади телото ако имате прекумерна тежина.
Ненадејни промени во температурата – кога често се движите од ладна на топла локација, вашето тело можеби нема да може да се прилагоди на овие промени, па затоа може да ви биде потешко да ја регулирате температурата на вашето тело.
Како да се заштитите?
Еден од главните начини да се спречат болести поврзани со високите температури е одржување на телесната температура пониска, пишува „Healthline“. Ова е особено важно кога извршувате некои активности на отворено додека е многу жешко. Важно е да знаете што можете да направите за да се заштитите за време на жештините.
Еве неколку совети за превенција:
- Останете хидрирани – испијте две до четири чаши вода на секој час додека сте на сонце.
- Избегнувајте алкохол и пијалоци кои содржат кофеин додека извршувате активности на големи жештини.
- За време на жешките денови, обидете се да поминете повеќе време во затворени простории или во климатизирани простории.
- За време на најжешкиот дел од денот, избегнувајте активности на отворено.
- Носете светла, лесна облека кога сте на отворено.
- Туширајте се со поладна вода.
- Направете повеќе паузи за време на активности на сонце.
- Никогаш не оставајте деца или кучиња во автомобил паркиран на сонце бидејќи температурата во автомобилот може да се зголеми многу брзо, што може да биде опасно.
