Да, повредите на главата може да се случат без разлика на огромната грижа и внимание кои ги посветувате на своето дете. Но, во најголем број случаи нема причина за загриженост.
Челото, предниот дел од главата и кожата на черепот добиваат големи количини на крв. Тоа за последица има обилни крварења под кожата во случај на било каква посилна повреда на овој дел од телото. Доколку крварењето е ограничено на еден дел од главата, предизвикува појава на оток која неретко добива форма на џумка, односно медицински кажано хематом.
Треба да се има предвид дека големината на отокот никако не мора да биде показател на јачината на повредата. Дури и помал удар во главата може да резултира со појава на џумка. За да се ублажи отокот на загрозеното место што побрзо ставете студена облога.
Иако отокот најчесто се повлекува за неколку дена, промената на бојата на кожата на загрозеното место може да се задржи една или две недели. Но, ако сепак сте загрижени, отидете кај педијатар, да направи проценка на сериозноста на состојбата.
Секако, понекогаш може да се случи ударот во глава да биде толку силен, да предизвика крварење во или околу мозокот. Овој вид на крварење не смее да се смета за безопасен, оти може да предизвика протисок на мозокот.
Совет е веднаш да се обратите на лекар, ако по повредата на главата кај вашето дете воочите некои од наведените симптоми:
- Главоболка
- Незаинтересираност
- Губење рамнотежа
- Повраќање
- Губење свест