Препознавањето на тоа дали на детето му треба медицинска помош кога ќе ја удри главата е многу едноставно со еден трик. Тимот на австралиски медицински сестри, кој стои зад страницата CPR Kids вели дека детето може да и се врати на играта, доколку џумката на главата е цврста како варено јајце и не е придружена со поспаност, повраќање или чудно однесување.
Меѓутоа, ако џумката е мека, како авокадо подготвено во секој момент да се претвори во сос, треба да одите на лекар што е можно поскоро.
„Ударот во глава е вообичаен за секое дете. Ако детето заплаче веднаш, тоа е добар знак. Но, повредата на главата може да биде сериозна и да бара медицинска помош”, наведуваат тие.
Ако џумката е мека, како авокадо подготвено во секој момент да се претвори во сос, треба да одите на лекар што е можно поскоро
„Кога ќе се појави џумка, ако е мека, тоа може да значи дека дошло до значително крвавење и дека ви треба медицинска помош“, објаснуваат тие.
Цврста џумка е добар знак, но алармот се вклучува доколку има повраќање, поспаност, абнормално однесување, напади или губење на свеста. Сите симптоми укажуваат на тоа дека е неопходно да се контактира лекар што е можно поскоро.
„Ако сте загрижени поради што било или се сомневате, побарајте помош“, заклучуваат тие.
