Прееклампсијата која се карактеризира со висок притисок во бременоста, не е проблем кој целосно исчезнува по породувањето без никакви последици. Голем број бремени жени со овој проблем заболуваат од коронарни болести по породувањето.
Кардиологот д-р Нанет Венгер вели дека прееклампсијата како состојба која главно се јавува во втората половина од бременоста, претставува компликација која се карактеризира со висок крвен притисок, отоци и белковини во урината.
“Тоа е васкуларна болест која ја имаат жените во 20. и 30. години, откако ќе останат бремени. Кога ќе заврши бременоста, овој проблем исчезнува, но жените потоа имаат големи шанси да во своите 40. и 50. години добијат коронарна болест“, предупредува д-р Венгер.
Според неа, прееклампсијата е еден од начините на кој лекарот може да предвиди дали жената ќе има кардиоваскуларни проблеми во иднина.
“Истражувањата покажуваат дека кај голем процент од жените со овој проблем подоцна ќе биде неопходно лекување и хируршка операција. Доколку се сфати сериозно, овој ризик може да се намали“, вели д-р Венгер.
Најважно е по породувањето да се обрне внимание на симптомите кои повремено се појавуваат. Важна е и превенцијата, која се однесува и на менталното здравје.
“Жените по породувањето често страдаат од проблеми како што се депресија и анксиозност, кои се почесто физички се одразуваат на нивото здравје на срцето. Освен тоа, жените кои имаат психолошки проблем не се движат доволно, не јадат здрава храна, пушат или консумираат алкохол, што го влошува проблемот“, додава д-р Венгер.
