Отстранувањето на крајниците, официјално наречено тонзилектомија, често е последното решение за сите оние кои се соочуваат со чести инфекции и воспаленија или, пак, имаат проблеми со дишењето додека спијат. Илјадници луѓе, главно деца, секоја година завршуваат со ваква операција.
Научниците истакнуваат дека можете да живеете без крајници, но тие сепак имаат важна улога – ни помагаат да се бориме против инфекциите. Тоа значи дека кога ги отстрануваме, го правиме телото поранливо
И додека со неа се решава еден проблем, неодамна објавена студија сугерира дека може да создаде друг проблем. Имено, научниците од Медицинскиот универзитет Гуангкси во Кина и Институтот Каролинска во Шведска објавија студија која сугерира дека оваа релативно честа процедура би можела да го зголеми ризикот од развој на пореметување поврзано со анксиозност.
Научниците анализирале податоци на повеќе од еден милион луѓе во шведскиот здравствен регистар и откриле дека тонзилектомијата е поврзана со дури 43 отсто поголем ризик од развој на состојби како што се посттрауматско стресно растројство (ПТСР), депресија или анксиозност.
Со оглед на тоа што научниците ги анализирале само податоците, не можеле да ја утврдат точната причина за ваквиот исход, но забележале дека зголемениот ризик е присутен без разлика на полот, возраста на која биле извадени крајниците, семејната историја и социоекономскиот статус.
Тие, исто така, забележале дека најголемото зголемување на ризикот е забележано кај ПТСР (околу 55 проценти). Интересно е тоа што кога ја анализирале ситуацијата во исто семејство, членовите на семејството кои останале без крајници имале 34 отсто поголем ризик од анксиозни нарушувања отколку членовите кои имале крајници.
Научниците посочуваат дека зголемувањето на ризикот е најголемо во првите години по операцијата, но забележале поголем ризик и повеќе од 20 години по операцијата.
Претходните студии веќе утврдија поврзаност помеѓу отстранување на крајниците и зголемен ризик од други здравствени проблеми како автоимуни болести и рак
Вистинското прашање е каква врска имаат крајниците со менталното здравје? Научниците истакнуваат дека можете да живеете без крајници, но тие сепак имаат важна улога – ни помагаат да се бориме против инфекциите. Тоа значи дека кога ги отстрануваме, го правиме телото поранливо.
Претходните студии веќе утврдија врска помеѓу отстранувањето на крајниците и зголемениот ризик од други здравствени проблеми како автоимуни болести и рак.
Затоа, научниците посочуваат дека треба да се направат повеќе студии независно од популациите, со цел да се одвои улогата на крајниците и другите болести и нивната поврзаност со стресот и развојот на други психијатриски нарушувања. (Зимо)
