Растењето на хиперсензибилно дете е исклучително тешко и знае да биде исцрпувачко. На надворешниот свет таквите деца им изгледаат драматични и плачливи, но тие се се, само тоа не. Како да ги дисциплинирате, а притоа да не им го скршите духот, советуваат неколку различни стручњаци.
ПОСТАВЕТЕ ГРАНИЦИ
“Иако долгорочно можеби нема да биде корисно, бидете флексибилни, но сигурни дека детето го учите да биде одговорно. Ако премногу му попуштате, нема да биде подготвено да се соочи со реалниот свет“, вели Ејми Морвин, стручњак за детска дисциплина.
ИЗБЕГНУВАЈТЕ ЗАСРАМУВАЊЕ
“Чувствителните деца особено се чувствителни на засрамување. Зборовите, како ти се едно лошо дете, или навистина ли не можеш да бидеш добро дете, може да звучат како благ укор, но на чувствителни деца тие реченици може да им го срушат светот“, потенцира Ребека Ејнес, автор на книга за позитивно родителство.
ПОКАЖЕТЕ, НЕ ЗБОРУВАЈТЕ
“Ако вашето дете лошо се однесува, покажете му со дела што од него се очекува. Што е можно помирно, кажете му да престане да го прави, тоа што го прави. Потоа почнете да го правите истото она што детето го правело. Веројатно ќе помисли дека сте смешни, и ќе сфати колку неговото однесување било претерано. Потоа, покажате му на детето исправно однесување. Тој чин кога ќе му покажете исправно однесување, наместо само да му го кажете со зборови – ќе има многу посилно и позначајно влијание“, вели Ејми Камински, стручњак за комуникација.
