Омега-3 масните киселини (DHA и EPA) имаат моќна антиинфламаторна активност и оваа пилот студија дава сугестивни докази дека овие масни киселини можат да ја намалат цитокинската бура предизвикана од болеста COVID-19
♦♦♦♦♦♦♦
Истражувачите од Fatty Acid Research Institute (FARI) и соработниците во Медицинскиот центар „Cedars-Sinai“ во Лос Анџелес, ги објавија првите директни докази дека повисокото ниво на омега-3 во крвта може да го намали ризикот за смрт од COVID-19.
Постојат неколку трудови во медицинската литература кои теоретизираат дека омега-3 масните киселини би требало да имаат позитивен ефект кај пациенти со COVID-19, но досега немаше официјално објавена научна студија која би ги поддржала овие теории.
Во споменатата студија учествувале 100 пациенти примени во болница со COVID-19, чии примероци на крв биле зачувани. За овие пациенти биле направени клинички прогнози и нивната крв била анализирана за омега-3 индекс (O3I). Четиринаесет од наведените 100 пациенти починале од COVID-19.
Вкупниот број на пациенти бил поделен во четири групи според нивното ниво на O3I. Кај четвртина од пациентите со највисок O3I (повеќе од 5,7 проценти), само еден пациент починал од COVID-19, додека кај останатите 13 пациенти кои починале од COVID-19 во останатите три групи, крвта имала O3I помала од 5,7 проценти.
Во регресивната анализа прилагодена според возраста и полот, студијата покажа дека пациентите кои припаѓаат на четвртината со најголем O3I имаат дури 75% помал ризик од смрт од COVID-19, или околу четири пати помалку шанси да умрат од оваа болест отколку пациентите со понизок O3I.
Во регресивната анализа прилагодена според возраста и полот, студијата покажа дека пациентите кои припаѓаат на четвртината со најголем O3I имаат дури 75% помал ризик од смрт од COVID-19, или околу четири пати помалку шанси да умрат од оваа болест отколку пациентите со понизок O3I
„Иако не ги исполнува стандардните статистички значајни прагови, оваа пилот студија, заедно со цела низа докази поврзани со антиинфламаторните ефекти на EPA и DHA, силно сугерира дека овие нутритивно достапни масни киселини помагаат во намалување на ризикот од тежок облик на COVID-19 кај пациентите. Јасно е дека се потребни поголеми студии за да се потврдат овие наоди“, истакна Араш Ашер, водач на студијата.
Експертот за омега-3, Џејмс Х. Окиф јуниор од Институтот за срце „Saint Luke’s Mid America“ во Канзас Сити, кој исто така учествуваше во студијата, ги поврза придобивките од повисоките нивоа на омега-3 масни киселини во крвта со ограничувањето на таканаречена цитокинска бура, која е одговорна за тешките форми на болеста COVID-19.
„Омега-3 масните киселини (DHA и EPA) имаат моќна антиинфламаторна активност и оваа пилот студија дава сугестивни докази дека овие масни киселини можат да ја намалат цитокинската бура предизвикана од болеста COVID-19“, вели тој.
Целта на овој тим научници е да собере уште средства и да го прошири истражувањето спроведено во пилот студијата.
Студијата е објавена на 20 јануари во журналот „Prostaglandins, Leukotrienes and Essential Fatty Acids“. (EurekAlert)
